Kuvendi i Shqipërisë, i vendosur për reformën zgjedhore

Kryetari i Kuvendit të Shqipërisë, Gramoz Ruçi, ka thënë se organi më i rëndësishëm legjislativ është i vendosur për të çuar përpara dhe për ta kryer reformën zgjedhore.

Pas një takimi që ka pasur me Sekretarin e Përgjithshëm të OSBE-së, Thomas Greminger, Ruçi tha se tashmë vetëm sa ka filluar puna, përcjell albinfo.ch.

Ruçi dhe Greminger nënshkruan një marrëveshje bashkëpunimi mes Kuvendit të Shqipërisë, OSBE-së dhe Qeverisë zvicerane në lidhje me projektin ri “Mbështetje për Kuvendin e Shqipërisë dhe edukimin qytetar”, i cili ka për synim t’i ndërgjegjësojë dhe fuqizojë qytetarët me qëllim që të marrin pjesë në proceset vendimmarrëse.