Kosova
Kuvendi i Kosovës i miraton marrëveshjet ndërkombëtare
Deputetët e Kuvendit të Kosovës ua kanë dhënë dritën jeshile marrëveshjeve ndërkombëtare, që kërkojnë dy të tretat e votave.
Në seancën e jashtëzakonshme, të thirrur nga opozita pikërisht për votimin e marrëveshjeve, ka arritur të kalojë me 96 vota marrëveshja financiare “IPA 2017”, pjesa e parë.
Gjithashtu, është votuar edhe marrëveshja tjetër mes Kosovës e BE-së “Evropa për qytetarët”, si dhe marrëveshja ndërmjet Komisionit Evropian dhe Kosovës për pjesëmarrjen e Kosovës në “ERASMUS +” Programin e Unionit për Arsim, Trajnim, Rini dhe Sport.
Deputetët votuan edhe marrëveshjen për financim për autostradën Zahaq- Pejë. Por, debati më i madh u bë për projektligjin për aderimin e Republikës së Kosovës në shkollën Rajonale të Administratës Publike ReSPA.
Opozita ka kritikuar faktin se ky projektligj Kosovën e njeh si UNMIK. Vjosa Osmani ka kërkuar sqarime nga ministri Mahir Yakcilar, pse nuk i është referuar Kosovës me emrin e saj kushtetues.
Por, ministri ka thënë se UNMIK-u ka qenë vetëm në takimet fillestare, meqë kjo shkollë është themeluar në vitin 2006, por që, pas pavarësisë UNMIK-u më nuk ka lidhje me këtë. Edhe kryeministri është sqaruar rreth kësaj çështjeje. Megjithatë, ky projektligj nuk arriti të marrë 80 vota të deputetëve, pavarësisht se u tentua tri herë.
Shefi i Grupit Parlamentar të Vetëvendosjes, Glauk Konjufca, ka kërkuar që të mbahet seanca e jashtëzakonshme e thirrur nga opozita, ku do të diskutohet për ‘korrigjimin e kufijve’. Ai ka shtuar se duan të nxjerrin një rezolutë, e cila sqaron paprekshmërinë e territorit të Kosovës. Pas përfundimit të këtyre pikave, deputetët e LDK-së e Vetëvendosjes e kanë lëshuar sallën, duke vazhduar me bojkotin e tyre.
Të ngjashme
Të tjera nga Kosova
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike, në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?