Kosova
Kurti: Thaçi po e merr primatin në dialog krye më vete
Në një konferencë për gazetarë, Kryetari i LVV-së, ka folur për udhëheqjen e dialogut mes Kosovës dhe Serbisë nga ana e Presidentit Hashim Thaçi.
Kryetari i Lëvizjes Vetëvendosje, Albin Kurti, ka thënë se presidenti Thaçi nuk është kredibil për ta udhëhequr dialogun me Serbinë.
Sipas tij, Thaçi po e merr primatin në dialog në krye më vete, kjo pasi që, siç tha Kurti, “ai është në listën e të akuzuarve të Gjykatës Speciale dhe po do t`i ikë kësaj gjykate”.
“Presidenti Thaçi nuk është as kredibil, as kompetent, është gënjeshtar dhe i paditur. Ujditë e fshehta të tij nuk vlejnë në Kosovë. Kush do të udhëheqë dialogun është e rëndësishme, por ajo vjen në fund, jo në fillim. Nuk mund të nxitohemi në dialog të ri pa bilancin e 6 vjetëve dialog. Ai është president për vete dhe jo i Kosovës me këtë sjellje që po e bën”, ka thënë Kurti.
Sa i përket idesë së kreut të shtetit lidhur me fillimin e demarkimit të kufirit me Serbinë, Kurti tha se shënimi i vijës kufitare duhet të ndodhë, por këtë nuk duhet ta bëjë presidenti.
“Përfundimi i dialogut me Serbinë do t`i ketë tri qëllime të tjera: njohja e Kosovës, dëmshpërblimi i dëmeve të luftës nga Serbia dhe kërkim-falja për krimet e luftës”, theksoi ai.
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?