Lajme
Kur një ushqim mund të caktohet si “zviceran”?
Nëse deri më tani u takonte autoriteteve federale të përcaktonin listën e këtyre produkteve, nga viti i ardhshëm procedura do të jetë më e thjeshtë, më fleksibël dhe transparente dhe në kompetencë të aktorëve të kategorisë agroushqimore
Nga 1 janari 2023 do të jetë në dorën e organizatave të zinxhirit agroushqimor të vendosin dhe të komunikojnë se cilat lëndë të para nuk disponohen mjaftueshëm. Këshilli Federal ndryshoi Urdhëresën për Përdorimin e Indikacioneve Zvicerane të Burimit për Produktet Ushqimore dhe thjeshtoi sistemin aktual të përjashtimeve, shkruajnë mediat zvicerane, përcjell albinfo.ch.
Procedurë e thjeshtuar
Legjislacioni “zviceran” përcakton se në çfarë kushtesh mund të përdoret emërtimi “zviceran” për produktet ushqimore dhe në çfarë rrethanash janë të mundshme përjashtimet. Ky është rasti, për shembull, kur produktet nuk janë të disponueshme në Konfederatë për një qëllim të caktuar përdorimi, tregon një shënim qeveritar. Nëse deri më tani u takonte autoriteteve federale të përcaktonin listën e këtyre produkteve, nga viti i ardhshëm procedura do të jetë më e thjeshtë, më fleksibël dhe transparente dhe në kompetencë të aktorëve të kategorisë agroushqimore.
Fryt i një bashkëpunimi
Ky legjislacion është rezultat i një bashkëpunimi midis zinxhirit agroushqimor dhe organizatave të mbrojtjes së konsumatorit. Procesi është koordinuar nga Zyra Federale për Bujqësi dhe bazohet në procedurën aktuale për produktet industriale. Në përputhje me këtë mekanizëm, informacionet për lëndët e para që nuk janë në dispozicion ose nuk disponohen në sasi të mjaftueshme në Zvicër do të publikohen dhe përditësohen në një listë nga kategoria agroushqimore, vijon komunikata. Në të njëjtën kohë, Departamenti Federal i Çështjeve Ekonomike, Arsimit dhe Kërkimit u ngarkua për të vlerësuar ndikimin e këtyre ndryshimeve. Një raport i lidhur do të jetë i disponueshëm deri në fund të vitit 2026.
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike, në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?