„Kur harresa nuk është e mundur“

Broshura është publikuar në kuadrin e Programit Nacional për Migracion dhe Shëndetësi, në bashkëpunim me BAG

„Kur harresa nuk është e mundur“ mban titullin një broshurë informative e publikuar së fundi, që bën fjalë për çrregullimet posttraumatike. Në 32 faqet e broshurës mund të gjenden të gjitha shkaqet dhe këshillat më të rëndësishme  për personat e prekur nga traumat dhe për të afërmit e tyre.

Broshura është botuar nga Kryqi i Kuq Zviceran (SRK) dhe nga organizata “Support for torture victims”, një bashkësi që përbëhet nga katër ambulatorë për viktimat e torturave dhe të luftës.

Broshura, përmes shembujve konkretë informon lidhur me krijimin, pasojat dhe mundësitë e tejkalimit të çrregullimeve posttraumatike.

Për Kryqin e Kuq të Zvicrës kjo është broshura e parë në të cilën merret me traumat e shkaktuara nga lufta, katastrofat, arratisja ose tortura. Teksti është përpiluar në kuadrin e një grupi studimi me pacientë dhe me pesonat kompetentë të katër ambulatorëve të përmendur.

Broshura, këshillat e veta i jep duke iu referuar shembullit të një familjeje (fiktive) të traumatizuar nga përjetimet e luftës. Kështu, përmes afërsisë jetësore me ngjarjet traumatike, teksti është i kuptueshëm edhe për laikët. Falë këshillave të shumta që ofron, dhe një përmbledhjeje gjithëpërfshirëse të ofertave adekuate për mbështetje, broshura është veçanërisht interesante për personat e prekur nga traumat e përmendura dhe për rrethin e tyre.

Broshura është publikuar në kuadrin e Programit Nacional për Migracion dhe Shëndetësi 2008-2013, në bashkëpunim me Entin Federal për Shëndetësi (BAG). Ajo mund të gjendet në gjuhët si: shqip, gjermanisht, frëngjisht, turqisht dhe kroatisht/serbisht/boshnjakisht.

Ajo mund të porositet në këtë adresë elektronike: [email protected]

Broshura është falas ndërsa  ata që marrin më tepër se 10 ekzemplarë, duhet të paguajnë postën.

Në formatin PDF mund të shkarkohet në adresën www.redcross.ch > Publikationen > Gesundheit > Folter und Therapie

Për informata të tjera: www.migesplus.ch oder www.torturevictims.ch