Kundër iniciativës për mbrojtjen e duhanpirësve pasivë

Ministri zviceran i Shëndetësisë, Alain Berset, i ka thënë “Jo” iniciativës “Mbrojtje për duhanpirësit pasivë”. Ligji aktual, sipas Këshillit Federal, ka qenë i suksesshëm deri tani.“Ligji aktual është si rezultat i një kompromisi që është arritur prej vitesh nga parlamenti dhe gëzon mbështetjen e gjerë të popullsisë. Do të jetë shumë herët për të ndryshuar ligjin pas dy vjetësh”, thuhet në një deklaratë të Departamentit të Punëve të Brendshme (EDI).

Ligji për mbrojtje të duhanpirësve pasivë ka hyrë në fuqi më 2010.  Ligji ndalon pirjen e duhanit në të gjitha hapësirat që janë të hapura për publikun. Për restorantet dhe hotelet, megjithatë ka përjashtime. Ligji lejon pirjen e duhanit (Fumoirs) në lokale të vogla.

Disa kantonet kanë nxjerrë ligje edhe më të rrepta. Iniciativa “Mbrojtja nga duhanpirësit pasivë” ka për qëllim që elektorati më 23 shtator të votojë për ashpërsimin e Ligjit kundër duhanpirësve në tërë Zvicrën. Pirja e duhanit nëpër lokale, Fumoirs, nuk do të lejohet më askund në Zvicër.