Futboll
Ku do të luhet finalja e ‘Euro 2020’?
Polonia do të vendosë një karantinë të detyrueshme shtatëditore për të gjithë udhëtarët që vijnë nga Britania, në një përpjekje për të frenuar përhapjen e variantit Delta të coronavirusit.
Rregulli zbatohet edhe nëse individi ka një rezultat negativ të testit para mbërritjes. Detyrimi i karantinës nuk do të zbatohet për ata që kanë marrë dozat e nevojshme të vaksinës.
Ndërkohë, OBSH ka ngritur shqetësime në lidhje me lehtësimin e kufizimeve kundër COVID-19 në qytetin ku zhvillohen ndeshjet e Euro 2020.
Ky shqetësim vjen ndërsa Qeveria e Mbretërisë së Bashkuar thotë se do të lejojë më shumë 60,000 tifozë në Wembley, në Londër, për finalen e turneut.
Në kushtet kur në Britani ka pasur një rritje të të prekurve me variantin Delta, është kërkuar që ndeshja finale të luhet në një tjetër shtet.
Kancelarja gjermane, Angela Merkel, ka mbështetur idenë se Mbretëria e Bashkuar duhet të marrë masat e nevojshme kundër variantit Delta të virusit, që është varianti i cili fillimisht u përhap në Indi.
“Nuk mendoj se do të ishte ide e mirë që të mbushim stadiume atje dhe unë mbështes të gjitha përpjekjet e Qeverisë së Mbretërisë së Bashkuar për të vendosur masat e nevojshme higjienike. Është në qarkullim varianti i virusit, që do të thotë se udhëtimi do të jetë shumë i kufizuar”, u shpreh Angela Merkel.
Për ata që mund të udhëtojnë, ndoshta duke kërkuar diellin, COVID-19 është thuajse i largët dhe nuk mund të ndalë planifikimin e pushimeve.
Ishulli i Majorka i Spanjës është i hapur për turizmin, por autoritetet lokale po i paraprijnë çdo skenari dhe kanë kthyer një hotel në një vend karantine për t’u kujdesur për këdo që rezulton pozitiv me virusin gjatë qëndrimit të tij në atë vend./Euronews
E-Diaspora
-
Një shqiptaro-zvicerane ambicioze, në Kancelarinë Federale të Zvicrës Drenusha Hajdini punon në Kancelarinë Federale të Zvicrës. Ajo flet për albinfo.ch rreth postit që mban,...
-
Jehon kënga e vallja shqipe në sheshin e qytetit Thun
-
Shqipëri: A do të mundësohet vota e emigrantëve në zgjedhjet 2025?
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
Jeta në Austri
-
Nomadët digjitalë: Kush mund të punojë në distancë në Austri? Pandemia e Covid-19 solli një epokë të re të mundësive të punës në distancë, por të...
-
Lajmet kryesore të Austrisë për këtë të enjte
-
“Haushaltsversicherung”: Si funksionon sigurimi i shtëpisë në Austri?
-
Vjenë
Vjenë: Kori Siparantum, edhe me një paraqitje në skenën prestigjioze
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998