Kosova
Kryeministri i Kosovës, i vendosur të mos hiqet taksa deri në njohje
Kryeministri i Kosovës, Ramush Haradinaj, në një konferencë për media pas mbledhjes së Qeverisë së Kosovës përsëriti qëndrimin se taksa për produktet serbe nuk do të hiqet derisa njohja e shtetit të Kosovës të mos jetë në tavolinë.
Haradinaj në një konferencë për media nuk komentoi qëndrimin e Serbisë për bojkotimin e dialogut me Kosovën deri në heqjen e taksës, e as qëndrimin e Bashkimit Evropian përkitazi me këtë çështje, por tha se taksa nuk do të hiqet deri në njohjen e shtetit të Kosovës nga Serbia.
Kreu i ekzekutivit tha se Kosova është ulur në tavolinën e bisedimeve pa ndonjë kusht, por që nuk kanë dhënë rezultate.
“Ende vazhdojmë të pranojmë trupa të pajetë në kufi të Serbisë… Asnjë certifikatë s’iu kanë dhënë Kosovës si kanë vdekur këta njerëz. Janë gjetur në Bajtanicë, Danub… Qysh kanë përfunduar… Ende s’kemi marrë informata qysh kanë vdekur ata njerëz, qysh ka ndodhur, e le më ndonjë gjykatë. E Kosovës iu ka bërë gjykatë…”, tha Haradinaj.
Ai tha se derisa nuk do të njihet shteti i Kosovës nga Serbia, taksa do të vazhdojë, raporton Telegrafi, përcjell albinfo.ch.
“Qëndrimi im është shumë i qartë… Derisa nuk është njohja në tavolinë, taksa vazhdon”, tha Haradinaj, duke folur për taksën ndaj produkteve serbe.
Haradinaj ka folur edhe për përfshirjen e LDK-së dhe VV në dialogun me Serbinë. Sipas tij, lidershipi në Kosovë në të kaluarën ka dhënë prova për racionalitet.
“Edhe LDK dhe VV duhet ta shqyrtojnë rolin e tyre dhe ta fuqizojnë rolin e Kosovës në pozicionin negociues me Serbinë”, u shpreh ai.
Sipas tij, në rrafshin e brendshëm mund të vazhdojë ‘lufta për pushtet’, por siç tha ai, politika e jashtme është diçka tjetër.
Ndryshe, Haradinaj nuk ka komentuar as përplasjet në Shqipëri rreth mosdekretimit të Gent Cakajt për ministër të Jashtëm të Shqipërisë.
“Unë e du Shqipërinë pa kushte dhe e kam shumë mik Ilir Metën. Nuk komentoj çështjen e emërimeve në Shqipëri”.
Të ngjashme
Të tjera nga Kosova
E-Diaspora
-
Shqipëri: A do të mundësohet vota e emigrantëve në zgjedhjet 2025? Kryekomisioneri Shtetëror i Zgjedhjeve, në Shqipëri Ilirjan Celibashi deklaroi sot se vota e emigrantëve mund të...
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Austri
-
Nomadët digjitalë: Kush mund të punojë në distancë në Austri? Pandemia e Covid-19 solli një epokë të re të mundësive të punës në distancë, por të...
-
Lajmet kryesore të Austrisë për këtë të enjte
-
“Haushaltsversicherung”: Si funksionon sigurimi i shtëpisë në Austri?
-
Vjenë
Vjenë: Kori Siparantum, edhe me një paraqitje në skenën prestigjioze
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998