Kritika për emrin e Maqedonisë

“Është e qartë se grekët nuk duan marrëveshje, por duan që një shteti bashkëkohor dhe demokratik t’ia marrin identitetin. Nëse vazhdojnë presionet ndaj Maqedonisë, do të ketë destabilizim të rajonit”, ka thënë euro-deputetja Petir

Euro-deputetja kroate, Marijana Petir, kritikon qasjen e Greqisë ndaj Maqedonisë lidhur me çështjen e emrit.

Në një intervistë për mediat kroate, Petir ka thënë se edhe po ta ndryshojë Maqedonia Kushtetutën, Greqia do të kërkojë edhe më shumë. Petiri fajin për këtë pozicionim të Greqisë ndaj Maqedonisë, e sheh te Bashkimi Evropian, i cili nuk duhej të lejojë aq shumë ndërhyrje të Greqisë në Maqedoni.

Petir ka thënë se qytetarët janë ata që duhet të vendosin se si do të quhet ose nëse do të ndryshohet emri i shtetit të tyre e jo politikanët.

“Është e qartë se grekët nuk duan marrëveshje, por duan që një shteti bashkëkohor dhe demokratik t’ia marrin identitetin. Nëse vazhdojnë presionet ndaj Maqedonisë, do të ketë destabilizim të rajonit”, ka thënë euro-deputetja Petir.