Kuriozitete

Krijuesi i ChatGPT, me thirrje për rregulla për Intelegjencën Artificiale

Krijuesi i chatbot-it të avancuar të inteligjencës artificiale ChatGPT, u ka bërë thirrje ligjvënësve amerikanë që të rregullojnë inteligjencën artificiale.

Sam Altman, CEO i OpenAI, kompania që ka krijuar ChatGPT, dëshmoi të martën përpara një komiteti të Senatit rreth mundësive dhe grackave që mund të sjellë kjo teknologji.

Pas ChatGPT, për çështje muajsh disa modele të Inteligjencës Artificiale iu bashkuan tregut. Dhe, sopas Altman tashmë duhet krijuar një agjenci e re që të licencojë të gjitha kompanitë e Inteligjencës Artificiale, transmeton cnn, përcjell albinfo.ch.

ChatGPT dhe programe të ngjashme më të mund të gjenerojnë përgjigje të ngjashme me ato të njerëzve kur u bëhen pyetje. Por, me raste, këto përgjigje mund të jenë të pasakta.

Altman nuk ka ngurruar të adresojë pyetje etike që mund të ngrihen nga përdorimi i inteligjencës artificiale dhe ka kërkuar më shumë rregullim të tregut.

Ai u shpreh se Inteligjenca Artificiale mund të jetë po aq e rëndësishme sa shtypi i shkruar në fillesat e tij, por i pranoi rreziqet potenciale që mund të vinë me të.

Ai gjithashtu pranoi ndikimin që mund të ketë AI në ekonomi, duke përfshirë gjasat që teknologjia e AI mund të zëvendësojë disa vende pune, duke çuar në pushime nga puna në fusha të caktuara.