Kosovë: Profesionistëve nga diaspora u hapen dyert pas miratimit të projektligjit për zyrtarët publik

Kuvendi i Kosovës miratoi sot dy ligje. Atë për paga dhe ligjin për zyrtarët publikë. Për këtë të fundit, kryetari i Komisionit për Administratë Publike, Pushtet Lokal, Zhvillim Rajonal dhe Media, Valon Ramadani tha se po hapen dyert për profesionistët nga diaspora.

“Me këtë veprim po e hapim sistemin publik për të gjithë ata profesionistë nga diaspora apo me përvojë në sektorin privat, që duan të kontribuojnë në administratën e Kosovës. Kjo reformë do të sjellë freski në sektorin publik.

Me këto ligje e luftojmë pabarazinë, duke zvogëluar dallimin midis pagës më të ulët dhe asaj më të lartë nga 20 herë, në vetëm 4.78 herë”, shkruan ai. transmeton albinfo.ch.