Kryetari i Ferizajit propozon të futën në karantinë fshatrat që janë prekur me koronavirus

I pari i Komunës së Ferizajit, Agim Aliu përmes një njoftimi ka propozuar masa të rrepta për fshatrat e kësaj komunë ku janë paraqitur raste të reja të infektimit me koronavirus.

E gjithë kjo fushatë mobilizuese është në shërbim të parandalimit të përhapjes së koronavirusit.
“I propozuam Ministrisë së Shëndetësisë dhe IKShPK-së që të izolohen vendbanimet e të infektuarve, përkatësisht fshatrat Sazli, Mirash, Varosh, Lagja Topojani në fshatin Greme, Talinoc i Muhaxherëve, Neredime dhe Lloshkobare”.
“Qëndroni në shtëpi, kjo është e domosdoshme të dalim pa pasoja nga kjo situatë”, ka shkruar Aliu në rrjetin social Facebook, përcjell Albinfo.ch