Kosovë: Erërat shkaktojnë probleme në energji elektrike

Foto: Anjo Antony

Kompania për distribuimin e energjisë elektrike në Kosovë, KEDS, ka njoftuar se erërat e forta kanë shkaktuar 11 prishje në rajonin e Ferizajit dhe tri të tjera në Mitrovicë dhe dy në Gjilan, duke bërë që të mbesin pa energji elektrike një numër i madh i qytetarëve sidomos në rajonin e Ferizajit.

Në njoftim theksohet se ekipet e KEDS-it kanë dalë menjëherë në të gjitha zonat ku ka prishje dhe janë duke punuar në sanimin e tyre, përcjell albinfo.ch.

“KEDS kërkon nga të gjithë konsumatorët që nëse shohin ndonjë avari të mos u ofrohen, pra të mbajnë distancën e sigurisë dhe të lajmërojnë cdo prishje në Qendër të Thirrjeve në numrin 0800 79100 që është pa pagesë apo përmes formave tjera të komunikimit, sic janë rrjetet sociale zyrtare të kompanisë”, thuhet në njoftim.