Kosovarët përbëjnë shumicën e përfituesve të shtetësisë shqiptare

Kosova mbetet vendi kryesor i origjinës së personave që kanë fituar shtetësinë shqiptare, sipas të dhënave më të fundit të publikuara nga INSTAT për vitin 2025.

Statistikat tregojnë se gjatë vitit të kaluar, gjithsej 495 persona fituan shtetësinë shqiptare. Prej tyre, 306 persona e rifituan shtetësinë, ndërsa 189 e morën atë për herë të parë. Në të njëjtën periudhë, 173 persona hoqën dorë nga shtetësia shqiptare.

Sipas raportit, 56.1% e përfituesve të shtetësisë shqiptare ishin qytetarë të Kosovës, duke e renditur Kosovën në vendin e parë për nga origjina e përfituesve. Pas saj vijnë Turqia me 20.1%, ndërsa Maqedonia e Veriut dhe Italia zënë secila nga 4.8% të rasteve, transmeton albinfo.ch.

Të dhënat pasqyrojnë prirjet e fundit në fitimin dhe rifitimin e shtetësisë shqiptare, si dhe strukturën e origjinës së përfituesve.