Zhvillim
Kosova prezanton produktet e saj në Panairin “Budva 2013”
Kompanitë kosovare që merren me prodhimin e pijeve dhe të ushqimit, kanë prezantuar në Budva të Malit të Zi, prodhimet e tyre “Made in Kosova”
Agjencia për Promovimin e Investimeve të Kosovës në bashkëpunim me Organizatën Gjermane për Bashkëpunim Ndërkombëtar – GIZ dhe Shoqatën e Verarëve të Kosovës “Enologjia” nga Rahoveci, kanë prezantuar në Panairin e 39-të të Ushqimit në Budvë të Malit të Zi, produktet e veçanta “Made in Kosova”.
Sipas një njoftimi lëshuar nga Ministra e Tregtisë dhe Industrisë, panairi i ushqimit “Budva 2013”, ka përmbushur nevojat e secilit ekspozues, ka ofruar një numër sfidash të biznesit në treg, sidomos të përfaqësuesve më të suksesshme të industrive strategjike të cilat përbëjnë shtyllën kurrizore të ekonomisë së Malit të Zi dhe rajonit.
Ky panair, sipas MTI-së, ishte i miratuar nga UFI-Shoqata Botërore për Organizimin e Panaireve dhe Eventeve Tregtare, i cili ka pasur karakter ndërkombëtar.
Në këtë panair janë ekspozuar prodhues të ushqimit organik, verërave, ëmbëlsirave, paketimit, kafeve, përpunuesve të peshkut, prodhuesve të ujit mineral, etj.
“Panairi përveç natyrës së marketingut ka pasur edhe natyrën e degustimit, ku distributorë të ndryshëm nga rajoni dhe shume vizitorë kanë pasur mundësinë për të provuar produktet kosovare për të cilat janë dhënë vlerësime të larta si në cilësi po ashtu edhe në paketim dhe dizajn”, thuhet në njoftimin e MTI-së.
Po ashtu, sipas MTI-së, panairi ka qenë shumë i vlefshëm për kompanitë kosovare eksportuese, të cilat kanë pasur mundësinë që të shkëmbejnë informata dhe të lidhin kontrata me kompanitë nga rajoni dhe Evropa.
Kompanitë pjesëmarrëse në këtë panair kanë qenë: Shoqata e Verëarëve të Kosovës “Enologjia” nga Rahoveci; “Bio Pak” Shpk; “Muja”; “Rahovec” Shpk; “Sefa Wine”; “Daka”.
Po ashtu pjesëmarrëse kanë qenë edhe kompanitë e përpunimit të ushqimit dhe pijeve: “Fungo FF” nga Artana; “Eurofood” nga Prizreni; “Liri” nga Prizreni; “Golden Eagle & Frutex” nga Theranda; “Birra Peja & Uji Akull” nga Peja dhe “ASK Foods” nga Gjilani.
Panairi i ushqimit “Budva 2013” është mbështetur financiarisht nga APIK-MTI dhe GIZ – Zyra në Prishtinë.
Të tjera nga Zhvillim
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri