Zhvillim
Kosova me “zyrë këshilluese” për investitorët e BE-së
Përfaqësuesi i BE-së në Kosovë, Samuel Zhbogar ka premtuar themelimin e një zyre këshilluese për investitorët evropianë që duan të investojnë në Kosovë
Investimet e shtetasve të Bashkimit Evropian, kanë qenë të mangëta gjatë vitit të kaluar në Kosovë, prandaj për t’i stimuluar investitorët evropian, përfaqësuesi i BE-së në Prishtinë, Samuel Zhbogar ka premtuar themelimin e një zyre këshilluese për investitorët e BE-së.
Këtë premtim slloveni Zhbogar e bëri gjatë një mbledhje të përbashkët me Qeverinë e Kosovës dhe investitorë nga vendet e Bashkimit Evropian.
Ai tha se investitorët e huaj mund të jenë edhe promovuesit më të mëdhenj për tërheqjen e investimeve tjera në Kosovë. Në këtë kuadër Zhbogar tha se brenda këtij viti, do të themelohet një Këshill të investimeve të BE-së në Kosovë.
“Dua t’ju informojë se jemi në proces të themelimit të një strukture zyrtare një këshilldhënie për investitorët e huaj të BE-së në Kosovë që do të avokojë investitorët e BE-së këtu. Ky këshill do të duhej të ketë kontakte të drejtpërdrejta me ministritë në mënyrë që të ndihmojë investimin e mëtejmë në Kosovë”, tha ai.
Ndërkaq kryeministri i vendit, Hashim Thaçi tha se investimet e huaja në Kosovë kanë shënuar një rritje prej 15 për qind të investimeve totale. Mirëpo nga 205 milionë euro sa ishte shuma e investimeve të huaja, vetëm 95 milionë euro ka qenë investimi i vendeve anëtare të BE-së.
Kryeministri kosovar tha se roli i investimit të huaj në ekonominë e Kosovës është shumë i rëndësishëm. Ai premtoi krijimin e një mjedisi të përshtatshëm për biznese të huaja.
E-Diaspora
-
Si e sheh Zvicra Kosovën në 25 vjetorin e çlirimit Në 25 vjetorin e përfundimit të luftës në Kosovë, kanë kthyer sërish fokusin e mediave zvicerane...
-
Vendimi i gjyqit: 17 vjet burgim për bashkëshortin e Shqiponja Isufit
-
Gjenevë: Sot prezantohet filmi shqiptar në Festivalin Fifog
-
Dietikon (ZH): Zamfina Rexhaj prezanton librin e saj mbi luftën në Kosovë
-
Vdes në Finlandë 34-vjeçari nga Mitrovica
Jeta në Austri
-
A ka Austria probleme me drogën? Vjena është ndër kryeqytetet evropiane me numrin më të madh të vdekjeve nga droga. Cila është...
-
8 gjërat që duhet të dini përpara se të filloni një punë në zyre në Austri
-
Gjithçka që duhet të dini për marrjen me qira të një makine në Vjenë
-
A mund të punoni në Austri pa nënshkruar një kontratë pune?
-
Vjenë: Program i suksesshëm për festimin e 1 Qershorit: Një ditë plot gëzim dhe mirënjohje