Kori i Filharmonisë së Kosovës hap Festivalin “4 Tradita” në Kraków

Festivali në Filharmoninë e Krakówit zhvillohet nga 30 prill deri më 10 maj dhe promovon traditat orientale, hebraike, ortodokse dhe latine.

Filharmonia e Krakówit ka ftuar audiencat në koncertet e edicionit të gjashtë të Festivalit “4 Tradita”, i cili po mbahet nga 30 prill deri më 10 maj 2026. Ky festival synon të prezantojë pasurinë e krijimtarisë artistike polake të frymëzuar nga traditat orientale, hebraike, ortodokse dhe latine, transmeton albinfo.ch. 

Festivali u hap mbrëmë me një performancë të veçantë të Ansamblit Vokal të Korit të Filharmonisë së Kosovës, nën drejtimin e kompozitorit dhe dirigjentit Rafet Rudi.

Ansambli solli një program të pasur muzikor, ku përfshiheshin edhe këngë tradicionale shqiptare, duke u bërë pjesë e atmosferës së festivalit që promovon trashëgiminë dhe diversitetin kulturor përmes muzikës./Albinfo.ch

---