Kopenhagë, festohet 18-vjetori i Pavarësisë së Kosovës

Ceremoni solemne me pjesëmarrjen e trupit diplomatik, zyrtarëve danezë dhe diasporës shqiptare

Konsullata e Republikës së Kosovës në Kopenhagë organizoi pritjen zyrtare me rastin e 18-vjetorit të Pavarësisë së Republika e Kosovës, përmes një ceremonie solemne në kryeqytetin danez, transmeton albinfo.ch.

Në këtë aktivitet morën pjesë përfaqësues të trupit diplomatik, zyrtarë nga Danimarka si dhe anëtarë të diasporës shqiptare, duke theksuar rëndësinë e marrëdhënieve të qëndrueshme ndërmjet dy vendeve.

Gjatë fjalimeve u vlerësua mbështetja e vazhdueshme e Danimarkës ndaj Kosovës, veçanërisht në proceset e shtetndërtimit, sundimit të ligjit dhe tranzicionit energjetik.

Ceremonia u shoqërua me një performancë muzikore nga grupi i njohur Ethnically Plugged, duke i dhënë aktivitetit një dimension kulturor./Albinfo.ch

---