Komuniteti shqiptar në Nju-Jork ka festuar 112-vjetorin e Pavarësisë

Komuniteti shqiptar në Nju-Jork ka festuar 112-vjetorin e Pavarësisë së Shqipërisë, ku në mënyrë simbolike ka ngritur flamurin në Wall Street.

Pjesë e ceremonisë ishte edhe kryebashkiaku i New Yorkut, Eric Adams, i cili mbajti edhe fjalën.

Adams ka vlerësuar kontributin e komunitetit shqiptar në Amerikë gjatë fjalës së tij, ndërsa mbante shallin kuqezi në qafë.

Të pranishëm ishin edhe personalitete dhe anëtarë e aktivistë të njohur të komunitetit, si: Kryetari i Bashkisë së NYC, Eric Adams dhe Komisionerët e NYC për Imigrantët dhe Çështjet Ndërkombëtare, Kryetari i Këshillit Koordinues të Diasporës, Mark Gjonaj, Fadil Berisha, Vera Mjeku dhe Esad Gjonbalaj, NYPD Illyrian Society, Bowling Green Association, Ajkun Balet etj.