Sport
Kombëtarja e Zvicrës pritet solemnisht në Aereportin e Cyrihut
Për Xherdan Shaqirin Evropiani ishte një turne i veçantë edhe nga pikëpamja personale. Me 8 gola të shënuar, ai është golashënuesi më i mirë zviceran në të gjitha aktivitetet e mëdha të futbollit

Vetëm 16 orë pas eliminimit të hidhur nga Spanja në çerekfinalen e Evropianit, ekipi kombëtar i Zvicrës, sot, pak para orës 13.00 ka aterruar në Cyrih.
Delegacioni prej 50 vetash është mirëpritur nga një numër punonjësish të aeroportit dhe fotografë si dhe nga një ansambël me instrumentin tradicional zviceran, alphorn, raporton srf.ch.
Përjetimi dramatik i dështimit të penalltisë kundër Spanjës kishte ndodhur vetëm 16 orë më parë, por shumicës së lojtarëve zviceranë tashmë u ishte kthyer buzëqeshja në fytyrë, transmeton albinfo.ch. Kjo vlen edhe për lojtarin e ri Ruben Vargas, i cili, së bashku me Fabian Schär dhe Manuel Akanji, ishte një nga të pafatët kundër Spanjës që nuk mundi të shënonte goditjen e dënimit në portë.
Mbizotëron pozitivja
Për Xherdan Shaqirin Evropiani ishte gjithashtu një turne i veçantë edhe nga pikëpamja personale. Me 8 gola të shënuar 29-vjeçari është golashënuesi më i mirë zviceran në të gjitha aktivitetet e mëdha të futbollit. “Është gjithmonë e veçantë të shënosh në një turne të madh për vendin tënd dhe jam krenar që kam pasur sukses në çdo turne”, thotë ai.
Yann Sommer, i cili për pak do t`i çonte zviceranët në gjysmëfinale të premten dhe ishte pikëlluar shumë pas ndeshjes, është këndellur tashmë, transmeton albinfo.ch. I gjithë ekipi është prekur thellë nga euforia që kishte ngjallur në Zvicër. “Mund të thuash që ne ishim i gjithë vendi (Zvicra) së bashku në këtë turne. Kjo ishte një ndjenjë e pabesueshme ”.
Pavarësisht nga eliminimi i hidhur nga Spanja, krenaria mbizotëron te portieri kombëtar. Zhgënjimi vazhdon të mbetet por duke parë gjithë kampionatin, pozitivja del në plan të parë. “Mirëpo do të duhen edhe disa ditë për ta kuptuar këtë”, thotë ai.
(Fotot: Screenshot SFR)
Të ngjashme
Të tjera nga Sport
E-Diaspora
-
Shqipëri: A do të lejohet diaspora të votojë me dokumente të vendeve tjera në zgjedhje? Kryetari i grupit parlamentar të Partisë Socialiste, Niko Peleshi deklaroi në Kuvend se ndryshimet në Kodin...
-
Rritje e gjuhëve të huaja në Zvicër: Shqipja, pas anglishtes
-
17 Vjet Pavarësi: Diaspora, drita e ditëve të errëta të Kosovës e forca e çlirimit të saj
-
17 vjetori i 17 Shkurtit, temë bosht e numrit të ri të revistës albinfo.ch
-
Hobi i veçantë i Egzonit që po mirëpritet në rrjetet sociale
Jeta në Austri
-
Çfarë ndikimi do të ketë sulmi terrorist i Villach në Austri? Sulmi me thikë në Villach ka ndezur një grindje mbi nevojën për masa më të forta...
-
Turizmi austriak po rimëkëmbet pas pandemisë
-
Austri: Dështimi i bisedimeve të koalicionit do të sjellë lehtësim për të huajt dhe punëtorët
-
Austri: Çka dihet për sulmin me thikë që la një të mitur të vdekur?
-
Austri: Një milion shishe dhe kanaçe u kthyen sipas skemës së re Pfand