Lajme
Kledian Leka, i diplomuari i parë i verbër në Fakultetin e Shkencave Kompjuterike në Universitetin e Parmës
23- vjeçari shqiptar, Kledian Leka është i diplomuari i parë i verbër në Fakultetin e Shkencave Kompjuterike në Universitetin e Parmës.
Të shkruash për profile suksesi në Diasporë, për arritjet akademike të tyre, para se të gjithash është veçanti, aq më shumë për rastin Kledian Leka, një profil suksesi që përveç punës së tij dhe studimeve akademike, njëherësh është edhe mburrje dhe motivimi kryesor për të verbërit në gjithë botën, shkruan albinfo.ch.
Ai, në fakt, është vetëm 23-vjeçar dhe së fundmi është i diplomuari i parë i verbër në Fakultetin e Shkencave Kompjuterike në Universitetin e Parmës.
Thuhet se Klediani ka përfunduar me sukses kursin trevjeçar të titulluar, “Edukimi i Shkencave Kompjuterike për nxënësit të cilët kanë probleme me shikimin”.
Për prestigjozen “Corriere Della Sera” ai ka deklaruar: “Teza ime mund të jetë një manual për të ndihmuar fëmijët me dëmtime të plota ose të pjesshme të shikimit. Nuk kishte materiale mësimore për nxënësit e verbër, kështu që u nisa për të përkthyer dhe konvertuar të gjitha dokumentet tradicionale mbi të cilat ata studionin, në mënyrë që ato të ishin të lexueshme edhe për ne të verbërit”.
Klediani u dha një pyetësor studentëve të tjerë të verbër, në të cilin u kërkonte të tregonin propozimet dhe mbi të gjitha pengesat që hasnin gjatë studimeve, përmbledhja e të cilave u përfshi në tezën e tij të diplomës. Gjatë rrugës ai takoi studentë, të cilët pas disa muajsh vendosën të largoheshin të dekurajuar nga vështirësitë dhe tani, falë angazhimit të tij, kanë shpresa më konkrete për të ecur përpara në rrugën e arsimimit.
Klediani, i cili në moshën 11-vjeçare humbi shikimin si pasojë e një aksidenti, aktualisht është programues i një kompanie shumëkombëshe.
“Punoja nga ora 08:00 deri në 13:00. Pastaj, nga ora 14:00 deri në 2:00 angazhohesha për të studiuar. Nuk kam menduar kurrë të ndalem dhe të ndjej keqardhje për veten time, ndaj edhe vendosa të luftoj për të realizuar të gjitha ëndrrat e mia”.
Ai u diplomua si ekspert IT me nota të larta dhe është i regjistruar në regjistrin kombëtar të mësuesve të IT si dhe është kualifikuar për të trajnuar atletë të verbër pasi ushtroi atletikën në nivel garues për dy vjet.
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Austri
-
Sa vite duhet të punoni në Austri që të keni të drejtën e pensionit? Kur punoni në një vend tjetër, është e rëndësishme të njihni të drejtat tuaja – veçanërisht...
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë