Lajme
Kjo kompani planifikon ndërtimin e një fabrike të taksive fluturuese
Prodhuesi brazilian i aeroplanëve, Embraer, thotë se një fabrikë e re për të prodhuar taksi fluturues elektrik do të ndërtohet në Sao Paol, për të cilat shpreson t’i ngrejë në qiell nga viti 2026.
Fluturakja, e cila do të prodhohet nga nëndega e saj Eve, do t’i ngjasojë një helikopteri të vogël me një hapësirë të mjaftueshme për 6 pasagjerë.
Parashikohet se një udhëtim do të kushtojë rreth 50 deri në 100 dollarë për person. Eve deklaron se deri më tani ka marrë porosi për afro 3,000 taksi ajrore, raporton BBC.
Tutje kompania shpreson që të montojë një prototip këtë vit. Rregullatorët nga SHBA-ja së fundmi kanë lëshuar një afat kohor, i cili i lejon që taksitë ajrore në atë vend të fluturojnë që nga viti 2025.
Është argumentuar se avioni mund të ndihmojë në reduktimin e bllokimit të trafikut në qytetet e mbushura me njerëz, pa qenë shumë i shtrenjtë për klientët. Ato janë parë edhe si një alternativë për transportin e mallrave.
Fabrika do të ndërtohet në qytetin Taubate, rreth 140 kilometra nga Sao Paolo, kryeqytetit ekonomik të Brazilit. Sipas disa raportimeve, veturat e pasagjerëve të ngjashme me dronë fillimisht do të përdoren në flotat e taksive.
Fluturimet e para do të kenë një pilot, por një lansim i mëvonshëm i mjeteve të vetëpilotuara është gjithashtu në planet e kompanisë. Veturat do të jenë 100 për qind elektrike, duke lejuar fluturime pa emetim./BBC
E-Diaspora
-
Arbëreshët, kjo rrënjë e fortë e Atdheut! Një grup veprimtarësh nga disa shtete arritëm të bëhemi bashkë dhe nën “hijen e fjamurit të...
-
Shqiptari shpallet studenti më i mirë i policisë së Nju-Jorkut për 2024-ën
-
Osmani u drejtohet bizneseve amerikane në Teksas: Investoni në Kosovë
-
Hapet ekspozita e piktorit shqiptar në Helsinki
-
Xhaka-Gjimshiti, dy shqiptarët në garë për trofeun e Europa League
Jeta në Austri
-
Çfarë duhet të dini për supermarketet në Austri? Austria ka një përzgjedhje të gjerë të supermarketeve cilësore, por ka disa dallime kryesore rajonale për...
-
Çfarë lejohet të bëjnë fëmijët vetëm sipas ligjit austriak?
-
Si mund t’i zgjidhë Vjena “problemet e saj të imigracionit”?
-
Edhe Austria i kërkon Qeverisë së Kosovës draft-statutin në këmbim të anëtarësimit në KiE
-
Austria kualifikohet në finale të Eurovizionit