Lajme
Kina paralajmëron pasoja për Britaninë, pas “ndërhyrjes” së saj në Hong-Kong
Kina ka paralajmëruar Mbretërinë e Bashkuar se do të përballet me pasoja, nëse vazhdon “të ndjekë rrugën e gabuar” sa i përket Hong-Kongut.
Të hënën, Mbretëria e Bashkuar pezulloi traktatin e ekstradimit me Hong-Kongun, për shkak të një ligj të ri të sigurisë në ish-koloninë e saj, i cili i jep Pekinit më shumë fuqi.
Në përgjigje, ambasadori kinez në Londër tha se Mbretëria e Bashkuar “ka ndërhyrë qartazi” në punët e Kinës.
“Kina asnjëherë nuk ka ndërhyrë në punët e brendshme të Mbretërisë së Bashkuar. Mbretëria e Bashkuar duhet ta bëjë të njëjtën gjë me Kinën”, tha ambasadori Liu Xiaoming, përcjell albinfo.ch.
Ditë më parë, kryeministri britanik, Boris Johnson, u zotua se do t’iu ofrojë tre milionë banorëve të Hong-Kongut mundësinë për t’u vendosur në Mbretërinë e Bashkuar, duke u lejuar atyre që të aplikojnë edhe për nënshtetësinë britanike.
Ky veprim ka ardhur pasi Pekini ka miratuar një ligj të ri të sigurisë në Hong-Kong, në fund të qershorit, i cili kriminalizon një mori veprash.
Sipas kritikëve, ligji mund të bëjë që protestuesit pro demokracisë në rajon të vuajnë dënime të përjetshme.
Hong-Kongu ka qenë koloni e Mbretërisë së Bashkuar deri në vitin 1997, kur i është dorëzuar Kinës në bazë të sistemit “një shtet, dy sisteme”.
Me këtë kornizë, qyteti i Hong-Kongut ka pasur të drejta të veçanta që nuk i ka gëzuar pjesa tjetër e Kinës komuniste, por thuhet se Ligji i sigurisë kombëtare tani e dëmton atë.
E-Diaspora
-
Floriani 10 vjeçar bën selfie me Xhakën, i kushtoi babait të tij 2600 franga. Floriani i vogël (10) është një tifoz i madh i Granit Xhakës: Nëntorin e kaluar, ai...
-
Detaje nga rasti kur një shtetas nga Kosova vrau pronarin e biznesit në Dyseldorf
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
Jeta në Austri
-
Austri: Përmbledhje e lajmeve të fundit të ditës së sotme Innsbruck me kryebashkiak të ri, SPÖ e qendrës së majtë zbulon planin për të financuar propozimin...
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja