Kina ka nderin të hapë WEF-në në Davos

Presidenti Xi Jinping do të mbajë fjalimin e hapjes së edicionit të 47-të të shënuar nga mungesa e liderëve të shumtë të botës, njofton albinfo.ch.

Forumi Ekonomik Botëror (WEF), i 47-ti, në Davos (GR) fillon të martën, ku presidenti kinez, Xi Jinping, do të mbajë fjalimin e hapjes së një edicioni që tregon për një pjesëmarrje rekorde, pavarësisht nga mungesa e liderëve të shumtë të botës.

Në orën 11:00, presidentja Doris Leuthard do të hapë takimin me një mirëseardhje për të  pranishmit, para se t’i japë fjalën themeluesit të Forumit, Klaus Schwab, 78-vjeçar dhe kryetarit kinez, i ftuar i nderit për këtë vit, informon albinfo.ch.

Në vizitë zyrtare në Zvicër që nga e diela, Xi Jinping është i shoqëruar nga një delegacion mbresëlënës me zyrtarë të lartë dhe njerëz të biznesit. Kontaktet ndërmjet përfaqësuesve kinezë duhet të mbështeten, si me administratën e ardhshme amerikane dhe me përfaqësues të Komisionit Evropian, të cilët do të jenë të numërt.

Sado që shumë krerë të tjerë të shteteve dhe qeverive do të mungojnë (Angela Merkel, François Hollande, Shinzo Abe), edicioni i 47-të i mbledhjes më të madhe vjetore do të dallohet nga një pjesëmarrje rekorde: 3000 persona: politikanë, ndërmarrës të kompanive apo organizatave, ekspertë akademikë, përfaqësues të shoqërisë civile, do të mblidhen për 400 ligjërata, diskutime, seminare dhe tryeza të rrumbullakëta.
Midis tyre, shefja e Fondit Monetare Ndërkombëtar (FMN), Christine Lagarde, drejtori i përgjithshëm i Organizatës Botërore të Tregtisë (OBT), Roberto Azevedo dhe presidenti i Bankës Botërore, Jim Yong Kim. Por edhe ministrja britanike, Theresa May, presidenti i Afrikës së Jugut, Jacob Zuma dhe Sekretari i ri i Përgjithshëm i OKB-së, Antonio Guterres.