Lajme
Kantonet i bëjnë thirrje popullatës për ndihmë në shtëpitë e pleqve dhe spitale
Kantoni Vaud të hënën dhe Kantoni Glarus, sot, kanë kërkuar ndihmë nga popullata për të lehtësuar stafin e stërngarkuar në shtëpitë epleqve dhe në spitale
Në kantonin Vaud, të interesuarit tani mund të regjistrohen për ndihmë në qendrat e kujdesit për të moshuar. Ata duhet të angazhohen për të lehtësuar stafin e stërngarkuar.
Kantoni Vaud i bëri një thirrje popullatës për të dalë në ndihmë. “Situata aktuale pandemike i ka vënë sërish ekipet e shtëpive për përkujdesje të të moshurave nën presion të madh”, thuhet në një deklaratë, transmeton albinfo.ch.
Kjo thirrje paraqet një veprim të pashembullt në praktikën zvicerane, shkruajnnë mediat e këtushme.
Për të qenë në gjendje të vazhdojnë të ofrojnë kujdes të cilësisë së lartë për banorët e shtëpive të të moshuarve ose institucioneve socio-edukative, departamenti i shëndetësisë dhe Kryqi i Kuq Vaud po kërkojnë të sensibilizojnë për ndihmë popullatën më të gjerë.
Punonjësit me kohë të pjesshme, pensionistët, të vetëpunësuarit dhe studentët mund të regjistrohen online për detyra të përkohshme të ndihmës nga e hëna pasdite. Kërkohen persona me eksperiencë në sektorin e shëndetësisë për të mbështetur kujdestarët, si dhe vullnetarë për administrim, mirëmbajtje, kuzhinë apo animacion, përcjell albinfo.ch. Kryqi i Kuq ua cakton ndihmësve vendet e duhura.
Vullnetarët nuk do të punojnë falas. Për punët që nuk janë të sferës së kujdesit të drejtpërdrejtë, është caktuar një pagë prej 33 frangash ora, shkruan sda.ch.
Vetëm dy ditë më vonë, një thirrje të ngjashme për “mobilizim” e ka bërë edhe Kantoni i Glarusit.
Kancelaria shtetërore e kantonit Glarus ka njoftuar sot se në të ardhmen e afërt do të ketë mungesa të mëdha të personelit shëndetësor dhe të kujdesit.
Shtëpitë e të moshuarve dhe pleqve, ambientet për personat me aftësi të kufizuara dhe Spitali Kantonal Glarusit tashmë po kërkojnë specialistë që mund të mbështesin kujdestarët, njofton srf.ch. Vullnetarët mund të regjistrohen në shtëpitë e të moshuarve ose në spitalet e kantonit.
Ata regjistrohen në një listë dhe pastaj do të kërkohen për detyrat e caktuara nëse është e nevojshme, transmeton albinfo.ch. Kompensimi, koha e punës dhe kushtet e tjera bazë caktohendrejtpërdrejt ndërmjet institucionit përkatës dhe ndihmësit që thirret për të punuar
Të ngjashme
Të tjera nga Lajme
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?