Kërcënime me bomba në 4 komuna të kantonit Aargau

Pasditen e të premtes në katër qendra administrative kantoni Aargau: atë të qytetit Baden dhe të komunave Wettingen, Neuenhof e Spreitenbach ka pasur paralajmërime për sulme me mjete shpërthyese. Pas evakuimit dhe kontrollimit të ndërtesave përkatëse, policia nuk ka gjetur mjete të tilla.

Edhe në kontrollimin plotësues që e kanë bërë shërbimet kompetente nuk është gjetur ndonjë mjet i dyshimtë në asnjërën nga ndërtesat e komunave të përmendura, njoftom Policia kantonale të premten.

Organet hetuese kanë nisur hetimet lidhur me kërcënimet në fjalë. Deri më tash nuk ka ndonjë indikacion lidhur me motivin e mundshëm të paralajmërimeve për sulme me bomba në katër komunat e Kantonit Aargau.