Integrimi
Katër liberalë shqiptarë, në garë për Parlamentin e Kantonit të Cyrihut
Ishte ky një organizim, si pjesë e fushatës zgjedhore për Parlamentin Kantonal të Zürich-ut, i organizuar nga 4 kandidatët me prejardhje shqiptare të Partise FDP, Arbela Statovci, Albane Selimi, Përparim Avdili dhe Ylli Doko
Politikë, verë, shoqëri të mirë si dhe një shkëmbim kulturor mjaft aktiv. Kështu mund të përmblidhet në pika të shkurta ngjarja e djeshme me temën “ Cili është kontributi i Secondove në suksesin e Zürichut?”.
Ishte ky një organizim, si pjesë e fushatës zgjedhore për Parlamentin Kantonal të Zürich-ut, i organizuar nga 4 kandidatët me prejardhje shqiptare të Partisë Liberale (FDP), Arbela Statovci, Albane Selimi, Përparim Avdili dhe Ylli Doko.
Ngjarja në fjalë fillimisht kishte në podium ndërmarrësit e rinj Arbela Statovcin dhe Burim Hasanin si dhe anëtarin e Dhomës së Ulët të Parlamentit Federal të Zvicrës, Ruedi, Noser.
Në diskutimet intensive që zhvilloheshin në mesin e mysafirëve në podium, nën moderimin e Ermira Ljutvia nga Albinfo.ch, theksi vihej padyshim tek vlerat e përbashkëta, si dhe motivacioni dhe progresi politik.
Gjatë fjalës së saj, Arbela, si një ndërmarrëse e re, i vlerësoi pjesëtarët e gjeneratës së dytë të emigrantëve (Secondos) si mjaft aspirues, ambiciozë, dinamikë dhe ndërmarrës. Sipas saj, ata duan që të arrijnë diçka në jetë, siç është themelimi i kompanive të ndryshme, krijimi i vendeve të reja të punës si dhe marrja e përgjegjësisë.
Po ashtu edhe ndërmarrësi tjetër, Burim Hasani, potencoi rëndësinë që politikanët duhet t`i japin mendimit dhe veprimit që ofron zgjidhje më praktike.
Pas një pauze, si pjesë e podiumit u paraqit edhe Carmen Walker Späh, nga Qeveria Kantonale e Zürichut, që vjen nga radhët e FDP.
Që të dy, edhe zonja Walker Späh si dhe politikani Noser, theksuan se sa shumë e rëndësishme është prejardhja e secilit prej nesh, e që mohimi i saj është një gabim shumë i madh.
Pos Ermirës, në rolin e moderatorëve ishin edhe Përparimi dhe Ylli, te cilet kontribuan në debat.
Si fund, për të ftuarit u përkujdesën Vera Statovci dhe Ilir Derbaci, të cilët sollën një atmosferë të këndshme me këngë të përzgjedhuar shqip dhe gjermanisht.
Ndërsa aktori Mentor Bajrami, u paraqit me një pjesë të shkurtër komike, duke bërë që të ftuarit të ndjeheshin edhe më mirë.
Po ashtu, edhe “Kosova Wine” bashkë me Kujtimin, freskuan të pranishmit me verëra dhe pije tjera nga Kosova, ndërsa specialitetet tjera kosovare si mantia dhe flia, vetëm për pak kohë qëndruan në tavolina, pasojë e interesimit te madh të të ftuarve.
Të ngjashme
Të tjera nga Integrimi
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?