Kapet trafikuesi serb me 7 refugjatë kosovarë në makinë

Kur u urdhëruan të dilnin nga makina, 7 kosovarët e shfrytëzuan daljen për të ikur nga vendi i kontrollimit. 6 prej tyre u zunë sërish

Natën e 25 tetorit rreth orës 1.15 në kuadrin e masave për kontroll në kufi, policia ka ndaluar në autostradën A4 një makinë me regjistrim të Serbisë. Makinën e ngiste një shtetas serb 32 vjeçar, i cili u identifiukua me pasaportë dhe patentshofer të vlefshëm serb, shkruan regionews.at.

Ndërkaq policia në makinën që është e paraparë për pesë veta ka gjetur edhe shtatë persona të tjerë. Asnjëri nga këta (të gjithë meshkuj) nuk kishin dokumente të vlefshme që do t`ua mundësonin hyrjen në Austri. Për këtë arsye, shtatë të përmendurit që konsiderohet se kanë shtetësi kosovare, u urdhëruan të dilnin nga makina, transmeton albinfo.ch. Këtë dalje ata e shfrytëzuan për të ikur nga vendi i kontrollimit.

Por pas pak kohe katër prej tyre u kapën nga policia e alarmuar e Nickelsdorfit. Pak më vonë, rreth orës 2 të pas mesnatës, kanë qenë ushtarët austriakë që kanë kapur në stacionin hekurudhor të Nickelsdorfit edhe kosovarin e pestë të arratisur. Më vonë, ne orën 9 e 50 të mëngjesit është arritur të kapet nga policia edhe i arratisuri i gjashtë ndërsa kërkimi për personin e shtatë të arratiur është ende duke vazhduar.

Personat e ndaluar të moshave 16 deeri 32 vjeçare janë dërguar në qendrën e kompetencës ne Eisenstadt pasi që është kosntatuar qëndrimi i tyre i paligjshëm në Austri, përcjell albinfo.ch. Ndërsa shoferi serb i cili dyshohet për trafikim të refugjatëve kundrejt pagesës, është arrestuar nga inspektorati policor i Nicleldorfit dhe është dërgiar në burg për hetime.