Kapet shqiptari me 3 kilogramë kokainë

Rojat kufitare në Kantonin e Tesinës kanë kapur një korrier të drogës me shtetësi shqiptare i cili bartte me vete një sasi droge.

Pasi e kanë ndalur për kontroll, ata në makinën me tabela gjermane regjistrimi te cilën e ngiste shqiptari kane gjetur tre kilogramë droge të llojit kokainë. Ajo ishte fshehur në pjesën e makinës afër ndërruesit të shpejtësive, shkruan srf.ch.

Ky është rasti i katër i kapur me sasi te madhe droge nga autoritetet kufitare të Tesinës gjatë këtij viti. Në muajt mars dhe prill ata kishin kapur deri 27 kilogramë kokainë në një numër automjetesh të vozitura po ashtu nga shqiptarët.