Shkurt.ch
Kapet duke vozitur 144 km/h, 27-vjeçarit nga Kosova i konfiskohet vetura
Një 27-vjeçar nga Kosova ka vozitur jashtë qytetit të dielën pasdite në Hunzenschwil të Argaus me shpejtësi prej 144 km / h.
Kosovarit i është konfiskuar nga policia patentë shoferi dhe makina.
Për shkak të tejkalimit të shpejtësisë së lejuar prokurori publik në Lenzburg në Aarau ka iniciuar një hetim penal dhe urdhëroi konfiskimin e veturës së ngasësit të shpejtë nga Kosova, bën të ditur policia e Araus.
Që në fillim të këtij viti ngasësit e shpejtë të veturave mund të preken edhe më shumë në saje të ashpërsimit të dispozitave ligjore të trafikut rrugor. Megjithatë, deri në mes të vitit shifrat zyrtare flasin për 19 padi penale kundër ngasësve të shpejtë të veturave (raser) në kantonin Aargau. Në të njëjtën kohë u konfiskuan rreth dhjetë automjete. Në gjysmën e dytë të vitit janë shtuar më shumë raste.
Sipas udhëzimeve të reja “Via sicura”, ngasës i shpejtë (raser) konsiderohet shoferi, i cili kapet në zonën me shpejtësi të kufizuar 30 km/h duke lëvizur me 70 apo më shumë kilometra në orë. Po ashtu, raser konsiderohet ai që në zonën urbane me shpejtësi të lejuar 50 km / h tejkalon në mbi 100 kilometra në orë dhe në rrugët me shpejtësi prej 80 km kalon 140 km / h e më shumë. Edhe në autostrada nëse tejkalohen kufijtë e shpejtësisë shoferët sanksionohen me dënime të rrepta të komunikacionit.
Të tjera nga Shkurt.ch
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?