Kampi Bondsteel nuk do të mbyllet në Kosovë

Komandanti i KFOR-it, gjenerali Erhard Buehler, ka deklaruar se tash për tash nuk do të mbyllet kampi Bondsteel

Duke komentuar paralajmërimet e ambasadorit amerikan në Kosovë, Christofer Dell, për mbylljen e këtij kampi, Buehler ka thënë se ambasadori i SHBA-ve ka dashur të thotë se “kampi Bondsteel është i dizajnuar për t’i shërbyer forcave të KFOR-it dhe jo për qëllime tjera”, ndërsa “në një moment kur forcat tona do të zvogëlohen, kur operacionet vijnë në përfundim edhe kampi do të mbyllet”.

Porse, sipas tij, tani KFOR-i do ta mbajë edhe më tutje këtë kamp, gjë që do të thotë se nuk ka një plan që KFOR-i ta mbyllë atë në një të ardhme të afërt.