Jo dhurimit të organeve pa pëlqimin e dhuruesit

Komisioni federali etikës për lëmin e mjekësisë humane është shprehur kundër futjes së klauzolës së “zgjidhjes kundërthënëse” kur është fjala për dhurimin e organeve të trupit.

Sikur të pranohej, ajo parashihte që një personi pas vdekjes t`i merreshin organet në çdo rast nëse ai, gjatë jetës së tij nuk ka qenë shprehimisht dhe nuk është deklaruar kundër dhurimit të organeve.

Sipas komisionit në fjalë, mbetet e paqartë nëse një zgjidhje sikur ajo e paraparë me “zgjidhjen kundërthënëse” do të rriste numrin e dhuruesve të gjakut, do ta zvogëlonte atë ose nuk do të ndikonte fare në të.

Sipas gjendjes aktuale, për marrjen e organeve në Zvicër është i domosdoshëm miratimi i qartë i personit të prekur ose të familjarëve të tij.

Spitalet zvicerane kanë në vazhdimësi probleme me sigurimin e organeve të mjaftueshme për transplantim. Një numër i madh personash që kanë nevojë t`u transplantohet ndonjë organ presin me vite të tëra, në mungesë të dhuruesve.