Lajme
Ja përse në Zvicër nuk do të ketë vdekje nga koronavirusi sa në Itali
Zvicra është ende në një fazë të hershme sa i përket valës pandemike. Sidoqoftë, edhe kur të arrihet "koha italiane" e tashme, situata në Zvicër nuk do të përkeqësohet aq sa ka ndodhur në Itali
Në Zvicër, të hënën kishte 1019 raste të reja Corona. Të paktën zyrtarisht. Kantonet kishin raportuar raportuan 1072 infeksione të reja nj¨ditë më parë, të dielën, në krahasim me 1108, sa ishin të shtunën, shkruan nau.ch. Ndërsa kulmi qe arritur të premten, me 1380 infeksione të reja.
Thënë ndryshe, statistikat kanë treguar një rënie të lehtë të infeksioneve Covid-19 gjatë tri ditëve të kaluar, tranmseton albinfo.ch. Pas një periudhe të rritjes dramatike, tani duket se përhapja e koronavirusit po dobësohet disi. E kjo do të thotë se masat rigoroze të marra nga Këshilli Federal për të paralizuar jetën publike tani mund të kenë filluar të japin efektin e dëshiruar.
Ndërkaq, Italia është shumë më larg se Zvicra jo vetëm në numrin e vdekjeve, por edhe në numrin e të infektuarve. 58.138 ishin atje të dielën, në Zvicër rreth 8,000 nga mesdita e së hënës.
Pyetja që lind përballë gjithë këtyre numrave: Sa vdekjeprurës është virusi, po u krahasuan numrat e të infektuarve dhe të të vdekurve të dy vendeve?
Shpjegimi: Vdekshmëria, ose siç njihet me emrin tjetër, letaliteti, mund të llogaritet nga numri i të infektuarve, i pjesëtuar me numrin e vdekjeve.
Kështu, shkalla e vdekshmërisë në Itali të dielën ka qenë 9.3 përqind, përcjell albinfo.ch. Pothuajse një në dhjetë të infektuar vdesin.
Nga ana tjetër, shkalla e vdekshmërisë në Zvicër është shumë më e ulët. Nëse merrni parasysh shifrat e BAG, niveli të hënën ka qenë 0.8 për qind. Që i bie më pak se një në 100 të infektuar, vdes.
Për të bërë një shpjegim të besueshëm, duhet të kihet parasysh se Italia është përpara në kohë sa i përket shpërthimit të pandemisë. Që më 29 shkurt, numri i të infektuarve atje qe rritur në mbi 1.000. Në Zvicër, kjo ka ndodhur 13 ditë më vonë.
Nëse bëjmë përputhjen në kohë, i bie që Italia kishte një normë vdekshmërie prej pesë për qind në kohën në të cilën Zvicra ndodhet aktualisht, transmeton albinfo.ch. Dmth një në 20 të infektuar vdiste.
Tani që kanë kaluar dhjetë ditë, letaliteti pothuajse është dyfishuar. Një arsye e mundshme është se spitalet tani kanë mundësi aq të kufizuara sa që stafi nuk mund të kujdeset më për të gjithë.
Zvicra nuk do të përballet me një “Itali të dytë”
Një arsye tjetër që bën ndryshimin: popullsia italiane është më e vjetër në krahasim me atë zvicerane dhe rrjedhimisht është më e prekshme se kjo. Shifrat nga viti 2018 tregojnë se mbi 23 për qind e popullsisë rezidente italiane janë 65 vjeç ose më të vjetër. Në Zvicër, shkalla është 18.5 për qind.
Siç u përmend tashmë, Zvicra është ende në një fazë të hershme sa i përket valës pandemike. Sidoqoftë, edhe kur të arrihet “koha italiane” e tashme, situata në Zvicër nuk do të përkeqësohet aq sa ka ndodhur në Itali. Sigurisht, me kusht që njerëzit t`u përmbahen rregullave në mënyrë të përpiktë.
Megjithatë, numri i të infektuarve dhe të vdekurve do të vazhdojë të rritet. Në pjesën tjetër të Zvicrës, më pak se në Kantonin e Tiçinos.
Letaliteti gjithashtu mund të rritet duke marrë parasysh situatën gjithnjë e më të pasigurt të kujdesit shëndetësor. Por një kuotë si në Itali është e pamundur të arrihet, pra përjashtohet.
Të ngjashme
Të tjera nga Lajme
E-Diaspora
-
Ardon Jashari, me çmimin “Safp Golden Eleven” si mesfushori më i mirë në Zvicër Swiss Association of Football Players së fundmi ka ndarë disa çmime për futbollistët më të mirë...
-
9-vjeçarja Moda Ademi performoi në koncertin Rock Pop Jazz Night
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave
-
Shqipja në Zvicër, pak histori dhe disa probleme aktuale
-
Artistja shqiptare, pjesë e filmit hollivudian, flet shqip
Jeta në Austri
-
80 vjedhje, 560 mijë euro dëm: Arrestohen katër shqiptarë në Austri Sipas policisë, në shumicën e vjedhjeve të banesave, viktimat kanë qenë të pranishëm dhe në gjumë...
-
Austri: Ministri i Brendshëm kërkon dëbimin në Kosovë të kriminelëve nga vendet e treta
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri