Kosova
Interesim jashtëzakonisht i ulët për vaksinim në Kosovë
Ka rënë numri i rasteve të qytetarëve të Kosovës që kërkojnë të vaksinohen për Covid-19. Në raportet e fundit të institucioneve shëndetësore, shifrat sillen në rreth 50 raste të vaksinuar në ditë ndërkohë që numri i të infektuarave është afërsisht i njëjtë
Numri më i ulët i rasteve të lajmëruara me Covid-19 ka relaksuar qytetarët e Kosovës. Madje, në qendrat e vaksinimit të cilat janë vetëm nga një për secilin qytet, ka pak interesim për vaksinim. Në Prishtinë brenda ditës lajmërohen më pak se 10 persona brenda të dy ndërrimeve sa punon kjo qendër, raporton RTK, transmeton albinfo.ch.
“Nuk është interesimi sikur në fillim… Brenda ditës vijnë 5 apo 6 raste dhe jo më shumë …”, tha Florina Ushaku Grezda, mjeke familjare në QKMF në Prishtinë.
E përafërt është gjendja edhe në qendrën e vaksinimit në komunën e Malishevës.
“Ka ra numri i qytetarëve për tu vaksinuar sepse ka ra edhe numri I të infektuarve dhe numri I atyre që marrin vaksina sillet në 5 raste në ditë”, tha Shkëlzen Sahitaj, Shef i shërbimit të vaksinimit në Malishevë.
Numër i vogël i qytetarëve është edhe në qendrën e vaksinimit në Fushë Kosovë marrë parasysh se aty ndalojnë të marrin vaksinë edhe ata që udhëtojnë.
“Është specifike se ka qytetarë që vijnë nga aeroporti për t’u vaksinuar por edhe përfshirë këto raste numri brenda javës sillet nga 15-20 qytetarë në ditë”, shprehet Fitnete Simnica Ferizi, Koordinatore e QVC-së Fushë Kosovë.
Lakorja e rasteve të regjistruara me COVID 19 ka përparuar ditët e fundit. Por jo edhe e të vaksinuarve. Tabelat që ka përcjellë Ministria e Shëndetësisë për 5 ditët e fundit flasin për numër të ulët të personave të vaksinuar derisa më 20 qershor nuk kishte asnjë qytetar të vaksinuar në gjithë territorin e Kosovës.
Të ngjashme
Të tjera nga Kosova
E-Diaspora
-
9-vjeçarja Moda Ademi performoi në koncertin Rock Pop Jazz Night Para një pjesëmarrje të madhe të publikut, 9-vjeçarja shqiptare, Moda Ademi, performoi në koncertin Rock Pop...
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave
-
Shqipja në Zvicër, pak histori dhe disa probleme aktuale
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
Jeta në Austri
-
80 vjedhje, 560 mijë euro dëm: Arrestohen katër shqiptarë në Austri Sipas policisë, në shumicën e vjedhjeve të banesave, viktimat kanë qenë të pranishëm dhe në gjumë...
-
Austri: Ministri i Brendshëm kërkon dëbimin në Kosovë të kriminelëve nga vendet e treta
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri