Hoxhaj kërkon nga Hahn përshpejtim për vizat

Ministrja e Integrimit Evropian, Dhurata Hoxha, ka marrë pjesë në konferencën e 14-të Rajoneve dhe Qyteteve të Evropës që po mbahet në Salzburg, ku edhe ka takuar komisionarin për zgjerim të Bashkimit Evropian, Johannes Hahn.

Ministrja thotë se e ka falënderuar Hahnin për përkushtimin e tij për liberalizimin e vizave dhe kërkoi nga ai mbështetjen që procesi i vendimmarrjes për liberalizimin e vizave për kosovarët të përshpejtohet dhe përmbyllet gjatë këtij viti, përcjell albinfo.ch.

Në njoftim, thuhet se Komisionari Hahn, ka thënë se Kosova e ka mbështetjen e tij për procesin integrues, duke përfshirë edhe liberalizimin e vizave.

Hahni inkurajoi ministren Hoxha që Kosova të vazhdojë me reformat, sidomos në fushën e sundimit të ligjit, administratës publike dhe të bërit biznes.