Kosova
Hoxhaj: Besoj se brenda dy – tre muajsh BE do të liberalizojë vizat me Kosovën
Prej dhjetë vjetësh shtet i pavarur, Kosova është vendi i fundit i rajonit pa liberalizimin e vizave me BE-në, shkruan fillimisht “APA”, që ka intervistuar zv.kryeministrin e Kosovës, Enver Hoxhaj.
Përpara një muaji u ratifikua demarkacioni me Malin e Zi, një ndër kushtet kryesore për liberalizim të vizave. Në lidhje me këtë, Enver Hoxhaj ka theksuar rëndësinë e mbështetjes së Austrisë gjatë mbajtjes së presidencës së BE-së, për procesin integrues të Kosovës, e veçanërisht për liberalizimin e vizave.
“Shpresoj se liberalizimi i vizave për Kosovën do të jetë një nga prioritetet e presidencës austriake të BE-së, duke nxitur njëkohësisht mbështetjen e shteteve të tjera”, ka thënë Hoxhaj i cili ka jetuar një kohë të gjatë në Vjenë.
E meritojnë qytetarët e Kosovës
Hoxhaj, i cili të premtën takoi kryetarin e parlamentit të Austrisë, Wolfgang Sobotka dhe ministrin austriak për Europë, Gernot Bümel, tha se sa herë që Austria ka mbajtur presidencën e BE-së ka pasur zhvillime interesante në rajon, duke pasur parasysh vëmendjen e saj të theksuar në Ballkanin Perëndimor.
“Qytetarët e Kosovës e meritojnë të lëvizin të lirë në zonën Schengen barabartë me qytetarët e shteteve të tjera, e meritojnë një vendim të qartë nga Komisioni Evropian dhe nga shtetet anëtare për lëvizje të lirë”, ka thënë më tej Hoxha. “Ne pretendojmë se Kosova i ka përmbushur gjithë kriteret.”
Hoxhaj mendon se brenda dy ose tre muajsh do vendoset liberalizimi i vizave nga KE dhe Parlamenti i Europës. Kjo pasi në “vitet e fundit” është vërejtur “përparim në luftën kundër krimit dhe korrupcionit”.
Në lidhje me vizitën e ministrit serb Marko Gjuriq në Kosovë, Hoxhaj ka thënë se ai deshte të provokojë Kosovën. “Kur ai shkel Kushtetutën, kufijtë dhe marrëveshjen mes Serbisë dhe Kosovës, atëherë ai duhet të përballet me drejtësinë dhe policinë,” tha në fund Hoxhaj.
E-Diaspora
-
LAPSH e Cyrihut përshëndet përpjekjet për institucionalizimin e mësimit shqip në diasporë "Falënderojmë institucionet tona për marrjen e iniciativës për koordinimin dhe institucionalizimin e mësimit në gjuhën shqipe...
-
Intelegjenca e mërgimtarit shqiptar vlerësohet lartë, kualifikohet në finalen e kampionatit të matematikës
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?