Hitzfeld cakton ekipin e Brazilit 2014: 5 shqiptarë në ekipin e parë dhe Kasami rezervë

Në përzgjedhjen e tij të parë janë pesë shqiptarë: Shaqiri, Xhaka, Behrami, Mehmedi dhe Xhemaili ndërsa Kasami është rezervë.

Trajneri i kombëtares zvicerane , Hitzfeld ka bërë sot të njohur përbërjen e skuadrës së tij që do të marrë pjesë në Kampionatin Botëror të Futbollit në Brazil. Në përzgjedhjen e tij  të parë (23 lojtarë) janë pesë futbollistë shqiptarë: Shaqiri, Xhaka, Behrami, Mehmedi dhe Xhemaili ndërsa Kasami është rezervë.

Siç shihet edhe kësaj here futbollistët shqiptarë përbëjnë palcën kurrizore të ekipit, rol që ata e kanë arsyetuar shumëfish gjatë 3-4 viteve të fundit.

Mehmedi i cili ka shënuar 12 gola në këtë kampionat për Freiburgun e bundesligës së Gjermanisë konsiderohet si njëri ndër favoritët në sektorin e golashënuesve, krahas Drmic-it (17 gola) dhe Gavranovic-it (13).

Mediet zvicerane i japin shumë hapësirë mungesës së futbollistit Derdiyok në përzgjedhjen që ka bërë sot Hitzfeld. Ai njihet si njëri ndër sulmuesit më të mirë të Zvicrës.