Hidhet në det për t’i shpëtuar kasapit

Lopa e re siciliane “Tereza” e ka vënë në emocione tërë Italinë, pasi që për t’ i ikur kasapit, ka filluar të notojë në thellësi të detit

«Tereza» ka ikur gjatë 20 kilometrave këmbë nga ferma ku ka qenë e vendosur dhe ia ka filluar notit në det, në ngushticën e Messines, njofton e përditshmja «Le Matin».

“Tereza” është vërejtur duke notuar në det nga patrulla e brigadës finaciare, pasi të ketë notuar më shumë se 1 milje. Pasi që ajo është sjellë në breg, me të hipur në kamion, ka filluar të pallë dhe britma e saj nga frika i ka prekur pa masë kalimtarët.

Ditët në vijim shtypi lokal është mobilizuar dhe disa qytetarë kanë krijuar një profil facebooku «Ta shpëtojmë lopën ‘Tereza». Pas ca ditëve, mijëra internautë i janë përgjigjur apelit “Liri për ‘Terezën”.

Pas negociatave mes Shoqatës për mbrojtjen e kafshëve dhe pronarit,Tereza i është blerë këtij të fundit dhe një fermë e mbajtur nga prifti Francesco Pati ka pranuar ta mbajë atë.

“Tereza” është përcjellë në shtëpinë e saj të re nga një delegacion i Ministrisë së Shëndetit dhe shoqata që ia ka shpëtuar asaj jetën.