Lajme
Herolinda Januzi kandidate për këshilltare në Kuvendin e Austrisë së Ulët
Të dielën me 29 janar do të mbahen zgjedhjet për këshilltarë në Kuvendin e Austrisë së Ulët (Niederösterreich). Në këto zgjedhje garon edhe shqiptarja, Herolinda Januzi
Herolinda Januzi është nga Gjakova, prej vitit vitit 1991 jeton në Austri. Nga viti 2015, ajo është asambliste në qytetin Spillern, komuna e Korneuburg. Prej shumë vitesh ka qenë pjesë e shumë iniciativave në qytetin e saj. Në baza vullnetare, Herolinda vepron si kryetare e shoqatës “Kinderfreunde” dhe organizon ngjarje të rregullta për fëmijë. Me profesion është asistente e menaxhmentit “Deutsche Leasing Austria”, shkruan albinfo.at
Në qytetin Spillern, partia socialdemokrate ka shumicën absolute. Por, shqiptarja 31 vjeçare tashme dëshiron të bëj një hap më përpara. Herolinda si anëtare e SPÖ kandidon për këshilltare në Kuvendin e Austrisë së Ulët (Niederösterreich). “Politika na shoqëron në jetën e përditshme. Që të përfaqësohen emigrantët apo personat e pafavorizuar social, këta persona duhet të përfshihen edhe në politikë”, thotë Herolinda.
Ajo ia kushton kohën politikës për ta bërë më të lehtë për brezin e ardhshëm dhe për të eliminuar dallimet mes fëmijëve. ”Politika e SPÖ-së është e përkushtuar për këtë. Që ne të krijojmë barazi për çdo fëmijë pavarësisht nga vjen dhe të kenë të njëjtën vlerë, unë e mbështes këtë parti”, thotë ajo për albinfo.at
Zonja Januzi shpreson që edhe komuniteti shqiptar të dal dhe të voton ditën e diel, por sipas saj më e rëndësishmja është që të ushtrojnë të drejtën e votës. “Shpesh dëgjoj se migrantët nuk e shohin rëndësinë e zgjedhjes. Ata duhet t’i kushtojnë më shumë rëndësi sepse dalja në votime është themeli i një demokracie. Ndaj ju bëj thirrje që të dalin në votime dhe të shfrytëzojnë të drejtën e votës së tyre”, ka theksuar ajo.
Nëse zgjidhet si këshilltare e këtij Landi, qëllimet saj do të jenë. “ “Arsimi është një çështje kyçe. Unë jam e përkushtuar për kujdesin dhe edukimin falas të fëmijëve për të gjithë. Momentalisht kopshtet në Austrinë e Ulët janë falas vetëm paradite, dhe kjo duhet të ndryshoj” thotë Herlonda për albinfo.at
E-Diaspora
-
Mërgimtari humb jetën në vendin e punës në këtë shtet Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
SHKA “Dardania” nga Winterthuri do të marrë pjesë në festivalin folklorik “Hasi Jehon”
Jeta në Austri
-
Bora zbardh Austrinë Austria sot është mbuluar nga bora. Mediat raportojnë se në vendet malore, reshjet kanë qenë më...
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa