Herolind Shala zyrtarisht te Lyngby

Futbollisti i njohur është larguar nga skuadra çeke Sparta Praga dhe ka nënshkruar kontratë dyvjeçare e gjysmë me Lyngbyn

Mesfushori kosovar, Herolind Shala, do të vazhdojë karrierën në Danimarkë.

Futbollisti i njohur është larguar nga skuadra çeke Sparta Praga dhe ka nënshkruar kontratë dyvjeçare e gjysmë me Lyngbyn.

“Përshëndetje miq. Edhe zyrtarisht jam pjesë e skuadrës daneze Lyngby. Shpresoj në një stinor të suksesshëm me klubin për t’i arritur objektivat”, ka shkruar ai në “Facebook”, përcjell albinfo.ch.

Shala është njëri nga mesfushorët më të mirë nga Kosova dhe anëtar i rregullt në Përfaqësuesen e Kosovës, por nuk është ftuar për dy ndeshjet e radhës ndaj Kroacisë dhe Finlandës.