Maqedonia

Helmohen 10 persona në një dasmë në Strugë

E diel, 14 Korrik 2019 - 22:00 albinfo.ch

10 persona janë helmuar në një dasmë në Strugë. Mediat në Maqedoni raportojnë se mysafirë, të cilët mbrëmë kanë qenë në një dasmë në një restorant në rajonin e Strugës, kanë kërkuar ndihmë mjekësore.
Arsyeja, sipas tyre, ka qenë torta e cila është blerë, e më pas është sjellë në dasmë.
Nga spitali në Strugë shprehen se kanë pranuar 10 pacientë, ndonëse sipas burimeve të Alsat-it, kjo shifër ka qenë më e madhe, përcjell albinfo.ch.
Sipas drejtorit të spitalit, Muhamet Asani, pacientët janë pranuar me simptome të diarresë dhe vjelljes. Pas kontrollit mjekësor, pacientët janë lëshuar për shërim shtëpiak.