Hapet restorant në qendrën e azilit

Kjo masë integrimi mendohet të lehtësojë inkuadrimin në tregun e punës dhe t`u mundësojë personave të prekur pavarësi sociale e financiare në të ardhmen

Kantoni i Valisit e ka marrë me qira vitin e kaluar hotelin “Le temps de vivre” në lokalitetin Chamoson dhe i ka strehuar refugjatët në dhomat e gjumit të këtij hoteli, shkruan agjencia e lajmeve sda. Ndërkohë, siç bëjnë të ditur autoritetet e kantonit, edhe restoranti ekzistues është rinovuar në mënyrë të plotë nga azilkërkuesit.

Nga e premtja do të rihapet edhe zyrtarisht restoranti, transmeton albinfo.ch. Kantoni do t`i angazhojë në kuzhinë dhe në shërbim personat që marrin ndihma sociale dhe ata që janë pjesë e programeve për riintegrim në punë. Ata do të përcillen dhe aftësohen nga njerëz të profesionit.

Kjo masë integrimi mendohet të lehtësojë inkuadrimin në tregun e punës dhe t`u mundësojë personave të prekur pavarësi sociale e financiare në të ardhmen, përcjell albinfo.ch. Krahas kësaj. Ky restorant do të shndërrohet në qendër takimi dhe shkëmbimi në funksion të mirëkuptimit më të madh.