Lajme
Hapet klasa e re shqipe në Mainburg të Bavarisë
Në shkollën “Grundschule Mainburg” u hap edhe një klasë e shkollës shqipe në Bavari. “Ky është lajm i gëzueshëm për fëmijët e këtij vendbanimi dhe fshatrat për rreth, me qëllim që edhe ata të kenë mundësinë të mësojnë në gjuhën amtare”, tha në fjalën e tij hyrës kryetari i LAPSH-it për Bavari, Milazim Ukaj.
Në hapjen e shkollës shqipe përveç mësueses Antoriata Cirongu morën pjesë, edhe prindërit si dhe vetë kryetari i shkollave shqipe në Bavari z. Milazim Ukaj. Pas një prezantimi të shkurtër të mësueses Antoriata Cirongu dhe prezantimit të nxënësve, organizatorët fjalën ia dhanë edhe drejtorit të shkollës së Mainburgut, z. Dr. Tobias Barwanietz, i cili përshëndeti dhe përgëzoi nxënësit, mësuesen, kryetarin e LAPSH-it si dhe prindërit e pranishëm për këtë iniciativë, siç tha ai, të shkëlqyer dhe të mrekullueshme për fëmijët me prejardhje shqiptare. Jam shum i lumtur që keni zgjedhur shkollën time për të mësuar fëmijët tuaj në gjuhën e tyre amtare, por edhe me i gëzuar jam që unë mund të kontriboj në mbajtjen e mësimit plotësues në gjuhën shqipe. “Ata fëmijë që rriten bilingual, jane të privilegjuar dhe me shumë fat”, tha mes tjerash Dr. Barwanietz. Në vazhdim nxënësit pranuan edhe tekstet shkollore të dërguara ditë më parë nga Divizioni për Arsim Plotësues në Diasporë i Republikës së Kosovës.
Me vonë, derisa mësuesja mbajti orët e para të mësimit, kryetari Milazim Ukaj bëri një bashkëbisedim me prindërit e kësaj ane të Bavarisë së Ulët, me qëllim që shkolla shqipe në këtë vendbanim të organizohet sa më mirë. Falënderim i veçantë u takon organizatoreve zj. Hëna Uka dhe zj. Mehreme Delija për kontributin e jashtëzakonshëm për hapjen e klasës shqipe në këtë qytezë.
Mësimi në këtë klasë të shkollës shqipe zhvillohet çdo të premte nga ora 12:15 deri në orën 15:00.
E-Diaspora
-
Gjermani
Mynih: Një recital i shkëlqyeshëm piano nga Kosti Deti Kosti Deti shkëlqen me paraqitjen e tij në “National Theatre of Munich Philharmonic” ...
-
Gjuha shqipe në Zvicër, tema qendrore e numrit më të ri të revistës albinfo.ch
-
Itali
Arrestohet shqiptari në Itali, kishte mbi 1 kg kokainë në makinë
-
Panairi Gjergj Kastrioti Skënderbeu, bashkon më shumë se 100 shoqata në Nju-Jork
-
Një shqiptaro-zvicerane ambicioze, në Kancelarinë Federale të Zvicrës
Jeta në Austri
-
Një përmbledhje e lajmeve më të fundit në Austri Austria sheh rritje të papunësisë ndërsa ekonomia dobësohet, foshnja e vogël lëndohet pas rënies nga dritarja...
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?
-
Lajmet kryesore të Austrisë për këtë të enjte