Lajme

Hapen qendrat e votimit, serbët e Kosovës votojnë në Serbi

E diel, 16 Janar 2022 - 9:45 albinfo.ch

Mëngjesin e sotëm, në orën shtatë janë hapur vendvotimet e referendumit për ndryshimin e Kushtetutës së Serbisë, në pjesën që ka të bëjë me gjyqësorin, raporton media serbe Tanjug, transmeton Albinfo.ch.

Sipas mediave serbe, qytetarët do të mund të ushtrojnë të drejtën e tyre në pak më shumë se 8000 qendra votimi, të cilat mbyllen në orën 20:00.

Mbrëmë vonë, Komisioni i Zgjedhjeve atje ka marrë vendim që serbët e Kosovës të votojnë në katër qytete të Serbisë, si: Kurshumlia, Rashkë, Novi Pazar dhe Vranjë, kjo pasi Kosova nuk lejoi mbajtjen e referendimit serb në Republikën e Kosovës.

Për këtë çështje Kuvendi i Kosovës miratoi rezolutë kundër mbajtjes së këtij referendumi.

 Të tjera nga Lajme

BE vendos tarifa të reja për gomat e importuara nga Kina

 E-Diaspora

 Jeta në Austri