Futboll

Granit Xhaka barazoi rekordin e pabesueshëm të UEFA-s

E premte, 10 Maj 2024 - 14:15 albinfo.ch
Keystone

Bëhet e ditur se Granit Xhaka barazoi një rekord të UEFA-s, pasi Bayer Leverkusen arriti në finalen e Ligës së Evropës pas barazimit 2-2 kundër Romës të enjten mbrëma, përcjell albinfo.ch.

Ky rezultat do të thotë se Leverkusen ka thyer rekordin e ekipit për më shumë ndeshje radhazi të pamposhtur, duke vendosur rekord me 49 ndeshje pa humbje.

Ndërkohë, skuadra e Xabi Alonsos ishte duke humbur 2-0 kundër Romës me 10 minuta lojë, por ashtu si dy ndeshjet e tyre të mëparshme, shënoi dy gola të vonshëm për të barazuar rezultatin.

Njëri nga më meritorët në barazimin e rezultatin pa dyshim se ishte mesfushori shqiptar, Granit Xhaka, i cili ndihmoi ekipin e tij t’i bëjë 32 goditje.

Ky mentalitet sulmues i lejoi ish-mesfushorit të Arsenalit që të arrinte një rekord të madh në Ligën e Evropës.

Sipas faqes së specializuar Opta, Xhaka krijoi 10 shanse nga loja e hapur – duke barazuar rekordin për më shumë në një ndeshje të Ligës së Evropës.

Lojtari tjetër që krijoi 10 raste ishte ish-ylli i Chelseat, Juan Mata, i cili e bëri këtë për Valencian kundër Club Brugge në vitin 2010.

Ndërkohë, Leverkusenit i kanë mbetur edhe katër ndeshje këtë sezon për të përfunduar një sezon historik të plotë të pamposhtur në të gjitha garat.

Ata përballen me një udhëtim në Bochum përpara se të presin Augsburgun në Bundesligë dhe përpara se të përballen me Atalantën në finalen e Ligës së Evropës.

Alonso dhe skuadra e tij më pas përfundojnë sezonin e tyre më 25 maj, kur ata përballen me Kaiserslautern në finalen e DFB-Pokal.

 

 Të tjera nga Futboll

Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi

 E-Diaspora

 Jeta në Austri