Goditet me thikë shqiptari në Itali

pixabay

Raportohet se një shqiptar në Itali ka mbetur i plagosur pasi u godit me thikë. Ngjarja ka ndodhur pasditen e së dielës, në Casarza Ligure. Sipas mediave italiane, shqiptari, identiteti i të cilit nuk bëhet i ditur, u godit në gjoks me thikë, përcjell albinfo.ch.

Dëshmitarët i thanë policisë se kanë qenë dy persona, të cilët ndoqën me vrap shqiptarin dhe e goditën me thikë. Më pas u arratisën në drejtim të panjohur.

I plagosuri u dërgua në spital për të marrë ndihmë mjekësore.

Ndërkohë, policia italiane ka nisur hetimet për të zbardhur ngjarjen, si dhe për të arrestuar autorët.