Kuriozitete

Gjykata në Gjermani kërkon kufizim të shpejtësisë prej 200 kilometra në orë nëpër autostrada

Videoja e miliarderit çek duke vozitur Bugatti Chiron nëpër autostradat gjermane me shpejtësi prej 417 kilometra në orë, ishte bërë hit në rrjetet sociale.

Madje kundër tij kishte filluar një proces gjyqësor, por që në fund është pezulluar pasi ishte konstatuar se nuk ishte shkelur as edhe një ligj.

Pronari i Bugatti kishte vozitur në një autostradë që nuk ka kurrfarë kufizimi të shpejtësisë, kurse tani propozimi i gjyqtarit të përfshirë në rast, mund të jep një zgjidhje lidhur me këtë çështje.

Ideja vjen nga zyra e gjyqtarit të Saksonisë, që nuk sheh ndonjë arsye për të dënuar çekun, pavarësisht se kishte lëvizur me shpejtësi të madhe dhe 116 metra i kishte kaluar për një sekondë, shkruan Der Spiegel.

Gjykata konsideron se kufizimi i shpejtësisë është i kuptueshëm, por është interesant shpejtësia të cilën kjo zyrë e ka propozuar.

Jo vetëm 120 apo 130 kilometra në orë që edhe po diskutohet gjerë në Gjermani, por 200.