Gjykata e Posaçme i refuzon lirimin kryetarit të Tiranës

Foto sc: TCH

Gjykata e Posaçme ka rrëzuar një kërkesë të kryetarit të Tiranës, Erion Veliaj, për lirim nga paraburgimi. Kryebashkiaku kërkoi zbutje të masës me arsyetimin se nuk kishte më kushte ligjore për mbajtje në izolim.

Veliaj deklaroi se paraburgimi ishte kthyer në një instrument dënimi pa gjyq, raporton A2, transmeton albinfo.ch.

Në gati 1 orë e30 minuta seancë, ku ishte edhe vetë i pranishëm, Veliaj, ritheksoi edhe njëherë faktin se nuk i ishin vënë në dispozicion të gjitha aktet e dosjes. Sipas burimeve, ai refuzoi edhe avokaten kryesisht, duke pretenduar se e kishte testuar dhe kuptuar se ajo nuk e njihte çështjen e tij.

Veliaj ka pretenduar, se paraburgimi ishte kthyer në një instrument dënimi pa gjyq, ndërsa arsyet ligjore të zbutjes së masës, i ka parashtruar avokati i tij, Sokrat Gjermeni.