Lajme
Bllokohet propozimi i Trump-it për sigurimin shëndetësor të imigrantëve
Një gjykatë amerikane e ka bllokuar përkohësisht rregullin e propozuar nga presidenti Donald Trump, me të cilin kërkohej që imigrantët të dëshmojnë se do të kenë sigurim shëndetësor brenda 30 ditëve pas hyrjes në Shtetet e Bashkuara ose të ofrojnë dëshmi se kanë mundësi financiare për ta paguar vetë atë.
Gjykatësi Michael Simon, i cili shërben si gjykatës i qarkut në Oregon, vendosi për ndalim të përkohshëm të këtij propozimi. Vendimi u mor pasi shtatë qytetarë amerikanë dhe një organizatë joqeveritare kishin paraqitur ankesë kundër këtij rregulli.
Sipas tyre, rregulli i ri do t’i bllokonte mijëra imigrantë ligjorë dhe se numri i imigrantëve që hyjnë në Shtetet e Bashkuara përmes vizave të sponsorizuara nga familja do të zvogëlohej shumë apo do të zhdukej plotësisht.
Në vendimin e gjykatës thuhet: “Përballja me rrezikun e mundshëm të ndarjes nga anëtarët e familjes dhe vonesa për marrjen e vizës, e cila në raste të tjera do t’u dhurohej familjarëve, është dëmtuese në mënyrë të pariparueshme”.
Vendimi i gjykatësit Simon për pezullimin e këtij rregulli për 28 ditë nënkupton që ai nuk do të fillojë së zbatuari më 3 nëntor, por beteja ligjore për këtë çështje pritet të vazhdojë më gjatë.
Zyrtarët e administratës së presidentit Trump kanë thënë se imigrantët ligjorë kanë trefish më pak sigurime shëndetësore se qytetarët amerikanë dhe se taksapaguesit nuk duhet t’i mbulojnë shpenzimet e tyre, shkruan “BBC”, transmeton GE, përcjell albinfo.ch.
Të ngjashme
Të tjera nga Lajme
E-Diaspora
-
Itali
Arrestohet shqiptari në Itali, kishte mbi 1 kg kokainë në makinë Raportohet se një 38-vjeçar me origjinë shqiptare është arrestuar nga agjentë të policisë së Reggio Emilia...
-
Panairi Gjergj Kastrioti Skënderbeu, bashkon më shumë se 100 shoqata në Nju-Jork
-
Një shqiptaro-zvicerane ambicioze, në Kancelarinë Federale të Zvicrës
-
Thun
Jehon kënga e vallja shqipe në sheshin e qytetit Thun
-
Shqipëri: A do të mundësohet vota e emigrantëve në zgjedhjet 2025?
Jeta në Austri
-
Pse Austria renditet kaq keq në indeksin për lirinë e shtypit? Midis skandaleve politike dhe një tregu mediatik në rënie, Austria është renditur vazhdimisht në nivele të...
-
Nomadët digjitalë: Kush mund të punojë në distancë në Austri?
-
Lajmet kryesore të Austrisë për këtë të enjte
-
“Haushaltsversicherung”: Si funksionon sigurimi i shtëpisë në Austri?
-
Vjenë
Vjenë: Kori Siparantum, edhe me një paraqitje në skenën prestigjioze