Gjiganti italian kërkon Strakoshën

Paraqitjet e Thomas Strakoshës kanë rënë në sy të shumë skuadrave, në mesin e tyre edhe Interit

Portieri shqiptar, Thomas Strakosha kishte paraqitje shumë të mira sezonin e kaluar dhe me paraqitje të mira ka vazhduar edhe në këtë edicion.

Në fundjavën e kaluar bëri një pritje fantastike ndaj Cristiano Ronaldo, edhe pse skuadra e tij në fund pësoi 2:0 nga Juventus.

Portieri i Lazios po kërkohet nga Interi, që nuk është shumë i kënaqur me Samir Handanoviq, i cili ka bërë disa gabime në këtë fillim edicioni.

Mediat spanjolle shkruajnë se zikaltrit janë të interesuar për Alfons Areola (PSG), Andre Onana (Ajaz), si dhe Thomas Strakosha (Lazio), përcjell albinfo.ch.

Të tre janë më pak se 23-vjeç, dhe kanë treguar aftësi të shkëlqyera mes dy shtyllave.

---